Hie chöme loufend paar Bispiu vo Kuriositäte u Bsungerheite us Canada 😊

Apropos Vrchehrsschiuder: Wede so mitemne 90er chunnsch cho z’fahre, vo Wytem ä Tafele gsehsch u de fasch mau afa hirne… Was isch für Zyt? Wele Wuchätag heimer hüt? Weles Datum heimer? Bisde au die Date zämetreit hesch, bisch de o scho lang ar Schuel vrbiigfahre😂!

I dr Ville de Québec gseh mr öppis luschtigs: Haubi Husnummere! Auso, entweder hei sie eifach zweni Nummere gha oder hie isch irgendwo dr Bahnhof, wo’s nach Hogwarts geit…😊

Dr Herbst chunnt u drmit faht o churzum d’Jagd a. Ja, mir kenne üs nid würklech us i däm Thema. Aber dass mä dr Gschmack vo wyyblechem Elchurin ufem Peak vo ihrem Zyklus cha imene Lade choufe, isch ja scho chli speziell…🤔 U eifach nume fies! 

Bi de meiste Bousteue in Nordamerika steit ja eigetlech geng ä «Ampelfrou» oder «-maa». In Quebec stüüre sie langsam aber stetig dr Mechanisierig zue. Statt ere dürftige Stop-Cheue wird hie ä Barriere mit Ample husch-husch ufe Pick-up ufgschnaut – u immer no vonere Person bedient, wo näbedranne steit😊. Dr Maa hie het übrigens o sii Hung chönne mit uf d’Püetz näh…

Das isch a Boutique, wa üüs beidne gfaut😉.

D’Insle Newfoundland het bekanntlech ä eigeti Zytzone übercho: Newfoundland Time, 4.5h hinger Europa (isch daheime 1400h, het St. John’s 0930h). Die Zone isch auerdings nid ganz mit dr Insle begränzt sondern giut o no im Südoste vo Labrador (das isch äuä historisch bedingt, da lang nume dä Teil vo Labrador ufem Landwäg erschlosse isch gsi, auso vo Newfoundland här). Im Räschte vo Labrador giut Atlantic Time Zone, auso eigetlech die glichi Zytzone, wie in Québec. Mitem fiine Ungerschied, dass d’Provinz Newfoundland & Labrador uf d’Summerzyt umsteut; u d’Provinz Québec auerdings nid… Das het wiederum zur Foug, dass mr uf dr Fährfahrt in St. Barbe (Newfoundland) am 1300h starte u 2h später in Blanc Sablon (Québec) am 1330h achöme. Biege mr nähr ostwärts ab u fahre nach Labrador, isch de wieder 1500h u z.B. in Happy Valley-Goose Bay wär de 1430h🤔. U übrigens: westlech vo Blanc Sablon (auso i dr Québec-ohne-Summerzyt-Zytzone) si no genau 5 Dörfer ufem Landwäg erreichbar… 🙄 Nume guet, richtet sech dr Fährfahrplan beidsitig (auso o in Québec) nach der Newfoundland Time!

U we de amene Ort nüt wichtigs passiert isch ir Wäutgschicht, cha mä das ja glich o entsprächend markiere:

In St. Anthony bsueche mr d’RagnaRöck Brewery u gniesse dert äs feins Bierli. Sie zelebriere ihres Wikinger-Ding rächt. Ar Türe het’s nämlech äs Schiudli, dass mä Bieli, Schwärter etc. doch bitte nid söu mit inebringe😂

Bekanntlich macht d Ettigetta 70% bim Chuuf vamene Wii uus, wa mu no nid bchennt. Das Potenziau versuecht mu hie uszschöpfe😊:

Z Verständnis va de Lütt, was Camping bedütet, differiert. Uf üseri Riis hiimer diversi Forme devah gfune😎. Zersch ganz schlicht, mit Dachzäüt ufum Ahänger:

Man beachte hie, wie kunschtvou d Stüfle vor Räänwasser gschützti sin:

Mit wenig Dekoration:

Mit Info, wär da "dahiim" isch:

Mit a we üppigerer Dekoration:

Mit Dekorationssträssli:

Mit hübscher Houzterrassa:

Mit Terrassa u Bar:

Mit entsprächende Kombinatione va Houzterrassa mit Gländer u Namensschüüdli:

Mit Terrassa u Gländer (man beachte hie de Schrüftzuug va däm Fifth-Wheel, wa doch starch a dahiim erinneret😜):

Mit Outdoor-Kitchen (bim Aahänger) u separatem Patio (man gönnt sich ja sonst nix😅) :

Mit a we Houzvorraat:

Mit a we meh Houzvorraat, wa mu trockenen Fusses cha erreiche:

Mit diverse Slide-Outs u entsprächend vüü Platz dinena:

Mit so juscht groosse Fifth-wheels 😊😎 (allerdings si di Lütt us de USA, wohne im Camper u hii kis anders Dahiim meh):

Das chamu scho no toppe, zum Bispüü mit Underbodebelüüchtig😂...:

...oder amene hüsche Jeep, wa mu mitfüehrt:

Für di aafrässene Trucker gittes o Entsprächends😎:

O das chamu no überträffe, zum Bispüü, idäm mu de Pick-up hindernahzieht😅:

Nai gittes Lütt, di si ganz ifach im Car underwägs😅:

U schlussendlich gittes Fifth-wheels, da gseht mu gar nümme, dasses ihre si😅:

Uf Fogo Island bsueche mr dr Brimstone Head. Schiins (unger de Ahänger vor Flat Earth Society) sigi hie eine vo de vier Eckpunkte vo dr agäblech flache Ärde... Mir si dobe gstange u hei dr Abgrund niene gseh 😂

Äs git uf Newfoundland mehreri Orte mit eher spezielle Näme; aber dä hie schlaht aus😂!

D'Härkunft vom Name isch umstritte... Evtl. hanget's ja mit däm Iischbärg zäme, wo dä Früehlig vor dr Küschte isch gsichtet worde...😜?

Spannend isch o no ä Begägnig in St. John's gsi. Ä Herde eher früschbacheni Müetere het sech zum Gruppebewege troffe... U de sogar unger Aleitig vomene junge Typ😊 (dä het nid ä schlächte Businessplan😎)

Im Waud trifft mä mängisch luschtigi Sache... (geit ja nume no äs haubs Jahr!)🎄

World's Largest Puffin Chair

Öppe, dass d'Kita-Ching ar Leine usgfüehrt wärde...?

unpraktischer (u chürzer) cha ä Wasserhahne ja nid si😂! Git übrigens ä huere Moorerei bim Bruuche!