Am Sunntig, 28.05.2023, heimer ä friktionslosi Flugreis vo Züri via Toronto nach Halifax. Aues klappet tiptop u Air Canada bringt üs pünktlech i d'Houptstadt vor Provinz Nova Scotia😊.
Scho im Taxi zum Hotel überchöme mr plötzlech ä Warnig uf ds Telefon - hm, isch glich no guet, heimer das Telefon mitgnoh - ir Nöchi vo Halifax tobi im Momänt ä Waudbrand u Evakuatione sige im Gang... Phu, diräkt betrifft üs das in Halifax säuber zum Glück nid, aber dr Rouch schmöcke mr zwüschine scho u im Hotel hets vieli Lüt, wo si evakuiert worde.
I de kommende Tage erkunde mr Halifax. Per Boot mit Blick uf d'Skyline...
...o d'Zitadelle, wo über Halifax tront, bsueche mr. Inkl. passender Alegi 😂 u o em sogenannte 12i-Schuss us dr Kanone
The Clock Tower
Street art
U Zyt fürnes Apero heimer o. Merci no a Connys ehemaligi Arbeitsgspändli👍💖.
U morn übernähme mr üse Camper für die nächste vier Monet... bliebet dranne😎.